Wie vel vo Euch scho wössed gon ich uf en grossi Reis, aber kei Angst ufs Jugendfest ben ich notürlech weder zrugg.
Falls es ergendöpper interessiert was ich so em nöchste Halbjohr mache, de chan das do nohläse. ich werd mech bemühe de Blog einigermasse aktuell zhalte.
Mini Route esch notürlech nonig eso wörklech fix.
Starte tuen mer am 28.11. met em Flug uf Auckland New Zeeland ahschlüssend gots am 16. Februar witer uf Cairns en Australie wo mer denn bes am 6. März uf Sydney abereised. Denn gots witer uf Rarotonga wo mer eus en Woche vode Ferie erholed und echli am Sandstrand ade Sunne umelegged, bes es denn am 13. März uf LA em Heavy-Duty-Land got, wo mer denn met em Auto und em Kajak witer rechtig Vancouver fahred und scho heissts am 15. Juni weder en Flüger ihstige, so dass ich pünktlech ufs Jugendfest weder zrugg ben.
